حياه جديده
مختلفه
مليانه احداث
طول النهار شغل وكلام وحوارات ومشاكل و....
حياه صاخبه
بس بالنهار
على قد مبكون مشغوووووووله جدا جدا جدا
بحس بالوحده جدا جدا جدا بمجرد دخولى البيت
بحس باحساس عجيييب جدا
قد ما بتعب طول النهارالناس العاديه الطبيعيه بتكون عايزه تروح بيتها بقى تستريح
انا بقى مبيكونش عندى الاحساس الطبيعى ده
بالعكس
عندى احساس ضده على الاخر
صحيح تعبانه اوى
وطلعت عينى اوى طول النهار
وعايزة اترمى على اقرب سرير
بس
بكون مش عايزة اروح
او لما بروح بينتابنى شعور غريب بانى عايزة الليل ييجى بسرعه عشان انام واصحى الصبح اروح الشغل
اروح الشغل وارمى نفسى فى بحر النسيان
بحاول ابعد بقدر الامكان عن الواقع
مع انه مش اليم اوى يعنى.....
بس
ملوش طعم
ملوش ملامح
ناقص حاجات كتيييييييييير
ناقص مشاعر واحاسيس
ناقص روح
ناقص حياه
مش عارفه
حاسه انى اتغيرت من جوايا
مش عارفه للاحسن ولا للاوحش
؟؟؟؟؟؟؟
بس اتغيرت وخلاص
مش قادره احدد
يمكن شبكه علاقاتى اتسعت جدا
لدرجه مش قادره استوعبها
خصوصا انى كنت قاعده فى البيت ومكنتش عارف حد الا اقاربى واصحابى وجرانى
دلوقتى بقى نااااااااااااااااس كتيييييييييييييير
زمايل وعملا ومديرين ومحامين ودكاتره وطلبه
بحكم عملى يعنى
بتعرف على ناس كتير وبتعامل معاهم
وناس كتير بتحاول تتقرب منى
بس لحد دلوقتى مش لاقياه خااااااااااااااااااالص
بحاول ادور عليه فى كل مكان......
فى كل وش ببص فيه....
فى كل تصرف.....
بس مش لاقياه
مش عارفه
حلاقيه
؟؟؟؟
ولا حفضل ادور لحد ما حتعب
بس اصلى محتاجاه اوى
محتاجه اتكلم معاه
محتاجه اشكيله
محتاجه اكلمه
بجد مش لاقياه خالص
على العموم انا عارفه ان مش بتدويرى ده حقدر الاقيه
انا فجاه كده لما ربنا يريد حلاقيه قدام عينى
بس امتى بس؟؟؟
المهم ان علاقتى باسرتى ابتدت تسوء
نظرا لانشغالى
وبتظلم منهم كتير اوى
ودلوقتى حاسه انى لوحدى
بجد لوحدى
وحييييييييييييييييييييييييده وانا حوليا ناس
بس كل يوم مشكله وكل يوم كلاش
لدرجه انى دلوقتى مش عايزة اتكلم معاهم
لانى مش عارفه ابررلهم موقفى
يمكن بدى اهتمام لشغلى
بس عشان انا تعبااااااااااااانه اوى من جوايا
حاسه ان قلبى مكسووووووووووووووووووووووووووووووور اوى
علشان ظروف كده حصلت الفتره اللى فاتت
عدم توفيق فى كل موضوع ليه
مش عارفه المشكله فين بالظبط
فيا انا؟؟؟؟
ولا فى الطرف الثانى؟؟؟
ولا فى الدنيا؟؟
ولا فين؟؟
محدش بيحس بحد خااااااالص
كل واحد شايف نفسه وبس
هما مش حاسين بيا قد ايه انا تعبانه نفسيا
يمكن زى ما قولت برمى نفسى فى دوامه الشغل
عشان مفكرش كتير فى حاجات ممكن تخلينى اتأزم اكتر
بحاول اتناسى الواقع
اللى ملوش طعم
يمكن عايزه احس باى ثمره لحياتى
عايزة اثبت نفسى
عايزة احس بطعم نجاح مثلا
بطعم تقدير
يتقدم فى اى حاجه تحسسنى انى لسه عايشه
المشاركات
