ونبتدى منين الحكايه؟؟؟

صلوا على النبى عليه الصلاه والسلام بصراحه أنا مش عارفه أبتدى منين الحكايه لانها بدت من زماااان أوى وبيتهيألى بدأت من قبل ما أتولد

!!!!!
بس نبدأ من أول الصور أه الصور اللى كانوا بيصوروهالنا أنا ومودى نبدأ من أول صور سبوعى
تخيلوا مودى حضر سبوعى كان عنده سنتين وكان لابس سلوبت لونوه أصفر والسلوبت كان تحتيه تى شيرت لونوه أبيض
وكان مرسوم على السلوبت ميكى موس ومينى موس وهما حاضنين بعض
وكان طول السبوع حاطت أيده فى بقوه
ههههه
ده كان مزاج عنده
المهم يعنى كبرت وبقى عندى سنه
وماما وبابا عملولى عيد ميلاد كبييييير وكانت السفرة والثلاجه مليانين تورت وسندوتشات وشاى بلبن
وانا كنت لابسه فستان بمبى وليه كوله لونها أبيض
وكنت واقفه على رأس طرابيزة السفرة و ماسكه بلونة ملونة وحطاها على كتفى الصغنطوتولفة دراعى حوليهة كأنى شايله
أنبوبة
وعارفين مين كان واقف جنبى
!!!!!!

أااااه صح مودى
كان زى القمر كبر شويه بقى عنده 3 سنين
وكان لابس بنطلون أسود وقميص أبيض وبابيون بمبى لون الفستان بتاعى
أصل ماما وتيته هما اللى كانوا مفصلينلى الفستان البمبى
وعملوا لمودى بابيون من نفس قماش فستانى

عقبااااال كرافته الخطوبه يا رب ما تكون لون فستانى
ولا خطوبه ايه أحنا لسه حنتخطب ديه تبقى غلاسه بقى والله
!!!!!
وتوالت أعياد الميلاد
وكل عيد ميلاد مودى كان واقف جنبى على طول
ناهيكم بقى عن صورنا فى الاعياد والعطلات الرسميه
وفى المصايف كلها مع بعض
وفى الملاهى والحدائق كل ده مع بعض وجنب بعض
وكبرنا شويه سوغنطتين
والاستاذ مودى بقى فى سن المدرسه

وقدمولوا فى مدرسه فى الزمالك
والحمد لله ربنا وفقوه ودخل أولى حضانه
وطبعا سوسا حصلتوه ودخلت نفس المدرسه كالعاده
بس بعد ما الاستاذ مودى ترك الحضانه وبقى فى الصف الاول الابتدائى
وكعاده الاطفال فى السن ده لما باباهم ومامتهم بيوصلوهم المدرسه
ويسيبوهم ويمشوا
الاطفال بتعيط وبتقول عايزين ماما عااااااااا
عايزين بابا عااااااااااااا
أنا طبعا مكنتش زى باقى الاطفال
وديه تيجى برضوا كان لية وضع مختلف
كنت بقول عايزة مودى عاااااااااااااااااااااااااااااا عااااااااااااااا عاااااااااااااااا
والمدرسين كانوا بيستغربوا مين مودى ده أخوها ولا أيه !!!!
وكان مودى بين الحصص بيزوغ وبييجى يطل عليا
ويتطمن ويطمننى ويقولى
يا سوسا المد لسه ديه كميله أوى وفيها ملحب
وفيها كانتين وفيها أصحابنا ممكن نلحب معاهم
ويروح يجيبلى من الكانتين من مصروفوه مصاصه شيبسى
أى حاجه والسلام لحد ما عقلت وبدأت أتأقلم على جو الحضانه
وبدأت أنا اللى أزوغ وأنط من شباك الفصل
وأروح أشوف مستقبلى فى أبتدائى عامل أزاى
وأشوف طبعا مودى وأصحاب مودى
واتطمن على البنات المتسهوكين اللى معاه فى الفصل
هههههههههههههه
وقضيت أحلى ايام حياتى فى المدرسه ديه
لحد ما أتعرفت على أول صدمه فى حياتى وأنا لا أتجاوز الخامسه من عمرى !!!!!