الصدمه......!!!!!!

طبعا كلكم كان نفسكوا ومنى عينكم تعرفوا أيه هيه الصدمه !!!!!
التى تعرضتلها وأنا لا أتجاوز الخامسه بعد
مودى فجأه وبدون أى مقدمات أختفى من حياتى تماما
أه تماما
عزلوا من بيتنا وسكنوا فى مكان بعيييييييد أوى أوى
فى حى من الاحياء الجديده
وخالتى وجوزها نقلوه من المدرسه
مبقاش معايا فى نفس المدرسه ولا فى العمارة
وكانت صدمه خصوصا أن مفيش حد مهد لى الخبر
فجأه صحيت الصبح ماما لبستنى هدومى
و نزلت معايا زى كل يوم عشان تخبط على خالتى وتاخد مودى
وتركبنا الباص بتاع المدرسه
لكن ماما اليوم ده مخبطتش عليهم
وسألتها.......؟
ماما موش حنخبط على مودى؟؟؟؟؟؟
هوة مودى مش رايح المدرسه يا ماما؟؟؟؟؟
هوة مودى عيان يا ماما؟؟؟؟؟!!!
وبدأ الخوف يتسلل الى صدرى
وشعرت أن هناك شىء ما حدث !!!!!
لا أعلم أنا عنه شيئا!!!!!
وبدأت أرفع رأسى وأنظر الى أمى فى شغف
ولا أرى ما تحت قدمى من السلالم وبدأت أتعسر فى نزولها
وفجأه توقفت .....
وأمتنعت تماما عن التقدم ولا خطوة واحده
وتوقفت أمى وجلست على السلمه التى تعسرت عليها ونظرت الى وحدقت فى عيناى الصغيرتين وقالت .......
سوسا حبيبتى
مودى راح بيت تانى غير بيتنا ده ودخل مدرسه تانية غير مدرستك
سوسا..... أنتى بقيتى مدموزيل كبيرة
ولازم تعتمدى على نفسك

وهنا عرفت الحقيقه المرة
مودى خلاااااااااااااااااااااااااااص
وأنفجرت فى البكاء
وطبعا أمتنعت تماما عن الذهاب الى المدرسه فى هذا اليوم
و لمده أسبوع أخر
ومرت الايام وأنا حزييييييييييينة حزن شديد .,... مثل الطير المذبوح
لا أاكل ولا أشرب ولا ألعب ولا أى شىء

لان الدنيا مبقاش ليها طعم
من غير مودى
وكنت لما بسمع صوته فى التليفون ببكى بكاء شديد ولم أتمكن فى قول كلمة واحدة
ومرت الايام وبدأت أتأقلم مع الوضع الجديد
(وضعى من غير مودى)
ومن ستر ربنا علىً عشان الصدمة ديه متهدنيش كطفله يعنى
ربنا رزقنى بأخت صغيرة فرحت بها كثيرا
وكانت هى سلواى عن بعد مودى
وطبعا طبعا كنت بشوف مودى من وقت للتانى عند جدتى
وكنا لما بناخد الاجازة بنروح نقضى كام أسبوع كده عند تيته وكانت أياااااام
مممممممممممم
كنا بنقضيها لعب * لعب
وكان مودى زى عادته بيتكسف مووووووووت
فكعاده الاطفال بيلعبوا أنهم أب وأم وعندهم عيال والاب بيشتغل والام بيطبخ
ولكن أنا ومودى كنا بنلعب أننا أخوات وعايشين مع بعض ( بناءا على رغبه مودى )
وهوة بيشتغل نجار ويفضل ماسك الشاكوش بتاع جدو
نازل دق فى رجل الطرابيزة بتاعت السفرة
وأنا بقى أفضل أطبخ فى البلكونه بالاستعانه بطاسة صغيرة من عند تيتة
ومعلقه خشب
ولما يخلص مودى شغل يرجع البيت
أقوم أنا بقى أعمل نفسى بغرفلوه الاكل عشان ياكل

ست بيت من يومك يا سوسا والله
هههههههههه
وكنا على المغربية بننزل أنا ومودى نشترى أيس كريم أو ذرة مشوى ولب وشيبسى
وكان صاحب المحل يقولنا
أنتوا أخوات مش كده؟؟؟؟
أصلكوا شكل بعض موووووووت!!!!
كنت أنا أقوم رده بسرعه قبل مودى وأقولوه أه أحنا أخوات
كنت بفرح أوى أوى لما حد بيقول أننا شكل بعض
ومضت أيام الطفوله
وعدت من علينا أحنا الاتنين
وبدأنا المرحله اللى بيسموها المراهقه
ومتتعبوش نفسكوا أنا ومودى مكنش لينا أى ذكريات فى الموحله ديه
لان بابا جالُه شغل وسافرنا برا مصر وقعدنا 5 سنين
ومكنش بينى وبين مودى أى أى أتصااااااااال
وعدًت ال5 سنين الحمد لله
ورجعت وأنا طالبه شابه فى ثانوى
ومودى كان ساعتها برضوا فى ثانوى
ولكن أخر سنه ثانوية عامه يعنى
وبدأت أنظر الى مودى نظرة مختلفه تماما عن نظرتى ليه زمان
لقيته بقى شاب زى القمر
طول بعرض بأرتفاع
ههههه
وبدأ الحب يطرق أبواب قلبى المغلقه بكل قوة
...............

وللحديث بقية
أن شاء الله